2017索当珠最新歌曲【管住自己的嘴】སོག་སྟགའབྲུག་གཞས་གསར། རང་ཁ་བདག་པོ་རྒྱོབ།

༄༅།།རང་ཚུགས་ཤིག་བཟུང་དང་།

ཚིག  གྲྭ་ཐོག

གདང་། སོག་སྟག་འབྲུག

གླུ་པ། སོག་སྟག་འབྲུག

ཤ་ཚའི་སྙིང་གཏམ་ཡིན་ན་མདུན་དུ་ཤོད།།

མ་འདོད་ཟུར་གཏམ་ཡིན་ཡང་མདུན་དུ་ཤོད།།

གཞན་གྱི་རྒྱབ་ཏུ་ལབ་ལབ་ཉུང་ཙམ་ཐོངས།།

རང་གི་ཁ་ལ་རང་གིས་བདག་པོ་རྒྱོབ།།

ཨ་རོགས་ཚོ།

སྤྲུལ་སྐུས་བུ་མོ་ཁྲིད་པར་སྙིང་ཆུང་ན།།

གྲྭ་པས་ཚོང་གཉེར་བྱས་པར་མིག་ཡང་ཚ།།

ཁོ་ཚོའི་དགེ་སྡིག་ཁོ་ཚོས་ཁྱེར་ནས་འགྲོ།།

རང་གི་ཁ་ལ་རང་གིས་བདག་པོ་རྒྱོབ།།

གྲོགས་པོ་ཚོ།

དཔོན་པོས་དབང་ཐང་སྤྱད་པར་ཁོང་ཁྲོ་ལངས།།

དཔོན་ལ་སྤྲེལ་ལད་བཤད་པར་སྙིང་རླུང་ལངས།།

ཁོ་ཚོའི་རྒྱུ་འབྲས་ཁོ་ཚོས་འཁུར་གྱི་རེད།།

རང་གི་ཁ་ལ་རང་གིས་བདག་པོ་རྒྱོབ།།

ཤ་ཉེ་ཚོ།

ཚོང་པས་ཁེ་བཟང་ཟས་པ་བློར་མ་ཕྱིན།།

གྲོང་པས་རླངས་འཁོར་ཉོས་པར་ཡིད་མ་མགུ།།

ཁོ་ཚོའི་འཚོ་བ་ཁོ་ཚོས་བསྐྱལ་གྱི་རེད།།

རང་གི་ཁ་ལ་རང་གིས་བདག་པོ་རྒྱོབ།།

སྤུན་ཟླ་ཚོ།